Telefanavańnie: Sańnikava ŭ kałonii nazyvajuć «prezidentam»

Kandydat u prezidenty ŭpieršyniu patelefanavaŭ z Navapołackaj kałonii.

Kandydat u prezidenty ŭpieršyniu patelefanavaŭ z Navapołackaj kałonii.

Hutarka Andreja Sańnikava z žonkaj Irynaj Chalip doŭžyłasia ŭsiaho 10 chvilin.

«Razmova ŭ asnoŭnym datyčyła syna i majoj pajezdki ŭ kałoniju na budučym tydni. Ja spadziajusia, što ŭdasca trapić da Andreja na karotkaterminovaje spatkańnie. Muž paviedamiŭ, što jaho pieraviali ŭ 3-i atrad. Zaraz usie mohuć pisać jamu listy. Andrej ni na što nie skardziŭsia. Staŭleńnie z boku źniavolenych, pavodle jaho słoŭ, dobraje, jany nazyvajuć jaho «prezidentam», — raspaviała Iryna Chalip sajtu charter97.org.

Nakont vyzvaleńnia dzieviaci asudžanych pa spravie 19 śniežnia, Andrej Sańnikaŭ skazaŭ: «Heta čarhovaja brudnaja hulnia». Da jaho samoha nichto nie pryjazdžaŭ i nie prapanoŭvaŭ pisać prašeńniaŭ ab pamiłavańni, ale Andrej padkreśliŭ, što navat kali i pryjeduć, to heta budzie pustym marnavańniem času. Nijakich prašeńniaŭ jon pisać nie źbirajecca. Andrej prasiŭ pieradać ad jaho słovy padtrymki tym, chto vyjšaŭ na svabodu», — paviedamiła žonka palitviaźnia.

Sańnikavu možna napisać: 211445, Viciebskaja vobłaść, Navapołack-5, VK-10, 3-i atrad, Sańnikavu Andreju Alehaviču.

Kamientary da artykuła