Avochci mnie: Łukašenka patrabuje razabracca z rostam cen
Takuju zadaču jon pastaviŭ siońnia na naradzie ab aktualnych pytańniach
sacyjalna-ekanamičnaha raźvićcia krainy.
«Ceny rastuć. Ci nie chavajecca za hetym usiodazvolenaść miascovych uład i kiraŭnikoŭ asobnych pradpryjemstvaŭ, jakija prykryvajucca dysparytetam cen z Rasijskaj Fiederacyjaj?» — skazaŭ kiraŭnik dziaržavy.
Alaksandr Łukašenka zapatrabavaŭ ad urada dałažyć, jakija miery pryniaty pa stabilizacyi spažyvieckaha rynku. Prezident adznačyŭ, što ciapier idzie šmat razmoŭ nakont vyvazu tavaraŭ u Rasijskuju Fiederacyju. Adnak, pavodle jaho słoŭ, u krainie pastajanna ažyćciaŭlajecca manitorynh, jaki śviedčyć, što vyvaz spažyvieckich tavaraŭ krychu skaračajecca. «Tamu havaryć ab tym, što pryjšli i ŭsio zabrali, nie davodzicca. My znachodzimsia ŭ adzinaj ekanamičnaj prastory z Rasijskaj Fiederacyjaj, dy i ŭkrainskaja miaža ŭ nas nie na zamku. U nas adkrytaja ekanomika, zakryjem my kamuści — zakryjuć zaŭtra i nam.
Tamu havaryć ab tym, što zaŭtra paŭstanie łancuhom milicyja abo pahraničniki z mytnikami na hranicy i nikoha nie puściać — heta poŭnaje hłupstva», — adznačyŭ jon. Alaksandr Łukašenka padkreśliŭ, što dziejničać treba tolki ekanamičnymi mietadami.