Łukašenka tolki moža maryć: U Litvie Hrybaŭskajcie daviarajuć 81% apytanych
Čarhovaje apytańnie hramadskaj dumki nie ŭniesła istotnych karektyrovak u acenku lidaraŭ litoŭskaha hramadstva. U vieraśni žychary Litvy lepš za ŭsio acanili prezidenta Dalu Hrybaŭskajcie, horš - premjera Andrusa Kubilusa.
Dobra adhuknulisia ab prezidencie 81% udzielnikaŭ apytańnia hramadskaj dumki.
Dobrazyčlivyja žychary da eks-prezidenta Vałdasa Adamkusa, śpikiera Siejma Irenie Dehutenie, čalca Sojma, lidaru sacyjał-demakrataŭ Alhirdasa Butkiavičusa.
Adamkusa dobra acanili 61% apytanych, Dehutenie - 60%, Butkiavičusa - 54%, paviedamlaje delfi sa spasyłkaj na litoŭskaje ahienctva navin ELTA.
Nahadajem, što zhodna ź vieraśniovym apytańniem NISEPD rejtynh aficyjnaha kiraŭnika Biełarusi Alaksandra Łukašenki ŭsiaho za dzieviać miesiacaŭ
źlacieŭ z 53 da 20%,dasiahnuŭšy histaryčnaha minimumu za ŭsie siamnaccać hadoŭ jaho kiravańnia.
Na pres-kanfierencyi dla rasijskich žurnalistaŭ 7 kastryčnika Łukašenka zajaviŭ, što pavodle źviestak Apieratyŭna-analityčnaha centra jaho padtrymlivajuć 70%. U hetyja ličby vierać chiba tolki ŭ AAC.