Ažno 10 dakumientaŭ budzie padpisana padčas pieramoŭ Łukašenki i Rachmona

Dziesiać dakumientaŭ ab supracoŭnictvie ŭ roznych halinach buduć padpisany pavodle vynikaŭ pieramoŭ kiraŭnikoŭ Tadžykistana i Biełarusi, paviedamlaje asiaplus.tj sa spasyłkaj na tadžykskaje MZS.

Alaksandr Łukašenka prybyŭ u Dušanbe viečaram 27 kastryčnika. U aeraporcie jaho sustreŭ prem'jer-ministr Tadžykistana Akił Akiłaŭ.

U druhoj pałovie dnia 28 kastryčnika ŭ dziaržaŭnaj rezidencyi «Pałac nacyi» z Łukašenkam u farmacie «1+1» sustreniecca prezident Tadžykistana Emamali Rachmon. Płanujecca abmierkavać pytańni ŭmacavańnia dvuchbakovaha ekanamičnaha supracoŭnictva. Paśla adbudziecca sustreča ŭ pašyranym składzie.

29 kastryčnika zapłanavany sustrečy Łukašenki sa śpikieram nižniaj pałaty parłamienta Tadžykistana Šukurdžonam Zuchuravym, a taksama z prafiesarska-vykładčyckim składam i studentami Tadžykskaha techničnaha ŭniviersiteta imia Muchamada Asimi.

U druhoj pałovie 29 kastryčnika Łukašenka vylataje ŭ Minsk.

Kamientary da artykuła