Mirny i Niestar daterminova vyjšli ŭ paŭfinał vynikovaha turniru ŭ Łondanie

U druhim matčy vynikovaha mužčynskaha tenisnaha turniru ŭ Łondanie 22 listapada «pasiejanyja» pad trecim numaram Maksim Mirny i Denieł Niestar (abodva zajmajuć 5-je miesca ŭ suśvietnym rejtynhu) ź likam 6:4, 6:3 vyjhrali ŭ palakaŭ Maryuša Fyrstenbierha (16) i Marcina Matkoŭskaha (15), jakija majuć vośmy numar «pasievu».

U druhoj hulni hrupy V druhaja para turniru — francuz Michael Ładra (3) i sierb Nienad Zimondžyč (4) — uziała vierch nad «pasiejanymi» pad № 5 indyjcam Rachanam Bapanam (10) i pakistancam Ajsamaj-Ul-Chakam Kurešy (9) — 7:6 (8:6), 6:3.

U startavych pajadynkach 20 listapada biełarus i kanadziec pieramahli Bapanu i Kurešy — 7:6 (7:2), 4:6, 11:9 (taj-brejk), a Fyrstenbierh i Matkoŭski — Ładra i Zimondžyča — 6:4, 5:7, 11:9 (taj-brejk).

U zaklučnym matčy Mirny i Niestar, jakija daterminova vyjšli ŭ paŭfinał, sustrenucca z Ładra i Zimondžyčam. Uradžency Sierbii Niestar i Zimondžyč letaś vyjhrali vynikovy turnir, pieramohšy ŭ finale Mirnaha i Machieša Bchupaci ź Indyi.

Kamientary da artykuła