Łukašenkaŭcy sprabujuć dyskredytavać mahiloŭskaha rabočaha praz BT
dasłaŭ čytač
«Panarama» vydała siužet pra mahiloŭskaha mulara, jaki «ledź nie pakinuŭ biez pracy 15 supracoŭnikaŭ «Pramžyłbuda».
Nahadajem, na znak salidarnaści z Alaksiejem Paŭłoŭskim, jakomu pradpryjemstva nie pažadała padaŭžać kantrakt, 15 čałaviek ź jaho bryhady napisali zajavy na skasavańnie kantraktaŭ.
BT pakazała, što nibyta podpisy Paŭłoŭski źbiraŭ padmanam i
zrabiŭ jon «vielmi niesumlenna», bo moh pakinuć 15 siemjaŭ biez chleba i srodkaŭ da isnavańnia.Akramia taho, karespandent adznačaje, što adpracavaŭ mular u bryhadzie ŭsiaho dva dnia, i nazyvaje situacyju «aniekdatyčnaj». Sami ž «padmanutyja mulary» nazyvajuć situacyju «pravakacyjaj».
Cikava, ci było b karespandentu da aniekdotaŭ, kali b źbiralisia zvolnić jaho? Ci razumieje jon, što akcyja salidarnaści chutčej spravakavała b «Pramžyłbud» na adnaŭleńnie kantraktu z Alaksiejem Paŭłoŭskim, čym na zvalnieńnie ŭsioj bryhady? Ci razvažaŭ uvohule žurnalist, navošta sychodziačymu mularu pazbaŭlać pracy 15 astatnich?
Pryjomy, anałahičnyja, jak u situacyi z Paŭłoŭskim, vykarystoŭvaŭ i saviecki KDB.
Nahadajem, što amal adnačasova lidara mikaševickich rabočych kiroŭcu Aleha Stachajeviča pazbavili pravoŭ, a z viciebskimi budaŭnikami, jakija nadumali pierajści ŭ niezaležny prafsajuz, «pahutaryli», u vyniku čaho jany «pieradumali».