«Zabrali my zajavy. Načalstva paabiacała palepšyć umovy pracy, zarobak pavysić u pieršym paŭhodździ».
Pra heta «Našaj Nivie» paviedamiŭ budaŭnik kambinata» Alaksandr Košaleŭ. Na minułym tydni jon i siem jahonych kalehaŭ zajavili pra vychad z aficyjnaha prafsajuza. Jany źbiralisia pierajści ŭ šerahi Biełaruskaha Niezaležnaha prafsajuza (BNP), zasnavaŭšy na pradpryjemstvie novuju niezaležnuju prafsajuznuju jačejku.
«Zabrali my zajavy. Načalstva paabiacała palepšyć umovy pracy, zarobak pavysić u pieršym paŭhodździ. My vyrašyli dać kiraŭnictvu šaniec», — raskazaŭ Alaksandr Košaleŭ. Pa jaho słovach, zajavy zabrali ŭsie, i jon u tym liku. «Ja raniej chłopcam kazaŭ, što nie zabiaru zajavu, kali nie budzie adzinahałosnaha rašeńnia. Tut vyrašyli ŭsie». Z kožnym z budaŭnikoŭ hutaryli indyvidualna.
Alaksandr Košaleŭ padkreślivaje, što ŭ vypadku nievykanańnia patrabavańniaŭ, budaŭniki hatovyja paŭtaryć svoj demarš.
Alaksandr Košaleŭ miarkuje, što kiraŭnictva pradpryjemstva ŭsio ž nie padmanie i pojdzie na sastupki. Siońnia, kaža jon, supracoŭnikam kambinata vydali novaje śpiecadzieńnie. Takoha tut nie było bolš za hod.
Hladzi taksama: Zbajalisia: Kalehi mulara Paŭłoŭskaha zabirajuć zajavy na zvalnieńnie.
Chto ź biełarusaŭ trapiŭ na pryjom da prezidenta Polščy ŠMAT FOTA10
Kamientary