Šeście na Dzień Voli projdzie ad Akademii navuk da Banhałora
Arhkamitet 25 Sakavika ŭznačaliŭ Uładzimir Kołas.
Arhkamitet pa śviatkavańni Dnia Voli (25 Sakavika) na ŭčorašnim pasiadžeńni vyrašyŭ, što sioletniaje šeście budzie adbyvacca pa maršrucie «Akademija navuk — płošča Banhałor».
«Pryniali kampramisnaje rašeńnie. Kab zadavolić i bolš radykalnych, i tych, chto choča adčuvać biaśpieku», — kaža lidar AHP Anatol Labiedźka.
Zrešty, apošnija hady byvała, što z Akademii navuk demanstranty tak nikudy i nie rušyli, pravodziačy tam mitynh.
Staršynioj arhkamitetu abrany staršynia Rady intelihiencyi, dyrektar Kołasaŭskaha liceju Uładzimir Kołas. Hanarovy staršynia — Ivonka Surviłła.
Uładzimir Kołas na našaje pytańnie ab maršrucie akcyi adkazaŭ: «Jość peŭnyja napracoŭki, ale ničoha kankretnaha my nie vyrašyli, jašče budziem źbiracca ŭ sieradu na dadatkovaje abmierkavańnie. U čaćvier naApošni čas Uładzimir Kołas nie byŭ takim zaŭvažnym u publičnaj palitycy. Choć jon razhladaŭsia, jak imavierny kandydat na vybary ŭ 2006. Ciapier voś znoŭ źjaviŭsia na vidnych rolach.pres-kanfierencyi ŭsio abvieścim publična».
Anatol Labiedźka miarkuje, kali zaŭtra buduć vyrašanyja ŭsie pytańni, to zajaŭku ŭ Minharvykankam mohuć padać adrazu ž. U pracy arhkamiteta brali ŭdzieł AHP, «Havary praŭdu», «Jeŭrapiejskaja Biełaruś», Chryścijanskaja demakratyja, Rada intelihiencyi.
Partyi BNF i Ruchu «Za svabodu» na pasiedžańni nie pradstaŭlaŭ nichto. «Spadziajusia, heta virus hrypu, a nie palityčny virus», — kaža Labiedźka.
Staršyniu AHP nie pałochajuć abvinavačvańni ŭ tym, što šeście projdzie da Banhałoru. «Nichto nie zaminaje ludziam prosta pryjści da Akademii. Ciapier samaje hałoŭnaje, kab pryjšło bolš ludziej, kali ŭ Rasii prychodzili dziasiatki, to ich źbivali. Kali pačali vychodzić dziasiatki tysiačaŭ, to ich zapavažali».Dzień Voli adznačajecca ŭ hadavinu abviaščeńnia niezaležnaści Biełaruskaj Narodnaj Respubliki ŭ 1918. Štohod u hety dzień adbyvajucca vuličnyja akcyi pad