Va Ukrainie pamierła achviara skandalnaha zhvałtavańnia

Aksanie Makar było 18 hadoŭ.

U Danieckim apiokavym centry pamierła 18-hadovaja Aksana Makar, jakaja stała achviaraj žorstkaha zhvałtavańnia, što skałanuła Ukrainu. Pavodle źviestak śledstva, 10 sakavika ŭ Mikałajevie troje mužčyn zamanili ŭ kvateru Aksanu Makar i zhvałtavali jaje, paśla čaho, kab schavać ślady złačynstva, pasprabavali spalić.

Paciarpiełaja była špitalizavana ŭ vielmi ciažkim stanie, z mocnymi apiokami 55% pavierchni cieła. Joj amputavali ruku i stupaki.

«U jaje pačaŭsia mocny kryvaciok ź lohkich, potym spyniłasia serca. Na žal, praviedzienyja reanimacyjnyja mierapryjemstvy nie dazvolili zachavać žyćcio dziaŭčynie. My zrabili ŭsio, što mahli», — skazali daktary.

Aksanie Makar, jakaja z 16 sakavika znachodziłasia na lačeńni ŭ Danieckim apiokavym centry, zrabili niekalki apieracyj.

Zatrymanych pa padazreńni ŭ  złačynstvie, milicyja adpuściła, a aryštavała tolki paśla vialikaha rozhałasu ŭ presie.

Hazieta Kiev Post nazvała heta «samym žachlivym złačynstvam va Ukrainie za apošnija hady».

Dvoje z zatrymanych — dzieci byłych dziaržaŭnych čynoŭnikaŭ.

Pa ŭkrainskim telebačańni byli pakazanyja kadry taho, jak adzin z troch abvinavačanych raspaviadaŭ śledčamu, jak mienavita byŭ ździejśnieny napad na Aksanu Makar, i jak zatym jaje zaharnuli ŭ koŭdru i padpalili.

Kamientary da artykuła