Žychary Viciebska prosiać za Siarhieja Kavalenku
Kalektyŭnaja zajava z prośbaj vyzvalić siabra KCHP BNF z-pad varty i pieravieści ŭ cyvilny špital nakiravana staršyni Viciebskaha abłasnoha suda.
Zajavu padpisvali na čarhovym pasiadžeńni arhkamiteta padtrymki Siarhieja Kavalenki. My vyrašyli, što heta budzie list ad pryvatnych asobaŭ — viciebskija aktyvisty nie ŭkazvali svaju partyjnuju prynaležnaść abo śfieru hramadskaj dziejnaści.
Bo havorka viadziecca pra vyratavańnie žyćcia Siarhieja — heta naš ahulnačałaviečy kłopat. I staršyniu abłasnoha suda my taksama zaklikajem da prajavaŭ spačuvańnia i čałaviečnaści.Dopis na imia Mikałaja Chamičonka ja asabista zaniesła ŭ abłasny sud i jaho zarehistravali pad numaram 3760», — zaviła hramadskaja aktyvistka Taćciana Sieviaryniec — adna z tych, chto padpisaŭsia pad zajavaj.
U zajavie na imia staršyni Viciebskaha abłasnoha suda napisana: «My, hramadzianie Viciebska, vielmi zaniepakojenyja stanam zdaroŭja Siarhieja Kavalenki, jaki haładuje bolš za try miesiacy. Zaraz jon znachodzicca ŭ psichijatryčnym adździaleńni papraŭčaj kałonii № 3. Dziejańni miedycynskaha piersanała nie pryvodziać da palapšeńnia jaho stanu i mohuć vyklikać śmierć. Źmiena režymu ŭtrymańnia i pieravod Siarhieja Kavalenki ŭ cyvilny špital mohuć uratavać jahonaje zdaroŭje i žyćcio».
Aktyvist KCHP BNF Siarhiej Kavalenka asudžany na 2 hady i miesiac za parušeńnie adbyćcia «chimii» za vyviešvańnie
26 sakavika Siarhieja Kavalenku pieraviali z respublikanskaha turemnaha špitala na «Vaładarcy» ŭ psichijatryčny špital pry kałonii