Z 1 lipienia admianiajuć biaspłatny prajezd dla studentaŭ u Minsku
U Minsku biaspłatny prajezd u hramadskim transparcie dla studentaŭ płanujecca admianić z 1 lipienia. Jak paviedamili BiełaPAN upres-słužbie Minharvykankama, takoje rašeńnie pryniata 25 krasavika na siesii Minharsavieta.
Admiena lhoty nie raspaŭsiudžvajecca na navučencaŭ ahulnaadukacyjnych škoł horada. Prajekt rašeńnia siesii Minharvykankama padlahaje rehistracyi ŭ Ministerstvie justycyi.
Jak zajaŭlaŭ raniej staršynia Minharvykankama Mikałaj Ładućka, mahčyma, u žniŭni budzie razhledžana pytańnie ab viartańni biaspłatnaha prajezdu dla studentaŭ ź vieraśnia hetaha hoda.
Nahadajem, što 13 vieraśnia 2011 hoda staličnyja ŭłady ŭviali biaspłatny prajezd va ŭsich vidach hramadskaha transpartu Minska dla studentaŭ i navučencaŭ PTV, siarednich śpiecyjalnych navučalnych ustanoŭ i VNU.