U Niamieččynu arbajtarkami: 19-hadovy vierbavaŭ dziaŭčat u prastytutki

Spyniena sproba vyvazu biełaruskich dziaŭčat za miažu dla akazańnia intymnych pasłuh.

Jak paviedamili ŭ HUUS Minharvykankama, dvoje žycharoŭ Hiermanii paznajomilisia z 19-hadovym studentam adnaho ź minskich VNU pa internetu i prapanavali znajści dziaŭčat, hatovych vyjechać za miažu dla akazańnia intymnych pasłuh. Za kožnuju dziaŭčynu «zakazčyki» abiacali studentu tysiaču jeŭra. I nieŭzabavie «pasrednik» znajšoŭ dźvie kandydatury.

Adnak da zamiežnaha publičnaha doma jany tak i nie dabralisia — pa darozie ŭsich zatrymali apieratyŭniki padraździaleńniaŭ pa narkakantroli i procidziejańni handlu ludźmi staličnaha HUUS sumiesna z kalehami z MUS i Partyzanskaha RUUS Minska.

U dačynieńni da hramadzian Hiermanii i biełaruskaha studenta Partyzanskim (Minska) adździełam Śledčaha kamiteta raspačata kryminalnaja sprava za ŭciahvańnie ŭ prastytucyju, što ciahnie za saboj da 10 hadoŭ pazbaŭleńnia voli.

Kamientary da artykuła