Vinsent prezientuje na «Našaj Nivie» novy sinhł «Ni kroku nazad»
Sinhł padrychtavany admysłova da vialikaha kancerta ŭ kłubie «Re:publis», jaki adbudziecca siońnia.
«Ni kroku nazad» — heta pieršaja studyjnaja praca, zapisanaja z žyvym składam, ź jakim Vinsent užo paśpieŭ dać šmat kancertaŭ u Biełarusi i za miažoju, vydać šeść kancertnych klipaŭ i «Žyvy DVD» .
Da taho ž pieśnia «Ni kroku nazad» stała saŭndtrekam da filmu «Vyšej za nieba». Padčas pracy nad im Andrej Kurejčyk, scenaryst i mastacki režysior prajektu, asabista prapanavaŭ Vinsent'u, jaki źniaŭsia ŭ filmie, zrabić klip na hetuju pieśniu
Tvorčy rost Vinsent'a za apošnija niekalki hadoŭ uražvaje — jon paśpieŭ sabrać vakoł siabie sapraŭdy talenavitych muzykaŭ, źmiašaŭ rep z rokam, i prymusiŭ hety kaktejl hučać.
Klip na novuju pieśniu možna budzie ŭbačyć na kancercie Vinsent'a ŭ kłubie «Re:publis», jaki adbudziecca 9 traŭnia. Košty kvitkoŭ: 30 t. (papiarednie), 40 t. (u dzień kancertu), 60 t. (miesca za stolikam).
Daviedka i zamova kvitkoŭ: +375 29 782 88 81