Kazachstan zacikaŭleny ŭ pryvatyzacyi biełaruskich pradpryjemstvaŭ

Umovy raźvićcia handlova-ekanamičnych adnosinaŭ Biełarusi i Kazachstana, a taksama pierśpiektyvy pramysłovaj kaapieracyi dźviuch krain abmierkavanyja 10 maja ŭ Minsku na sustrečy namieśnika premjer ministra Biełarusi Siarhieja Rumasa sa staršynioj praŭleńnia kazachstanskaha Fondu nacyjanalnaha dabrabytu «Samruk-Kazyna» Umirzakam Šukiejevym.

Jak paviedamlaje pres-słužba ŭrada, Šukiejeŭ zajaviŭ na sustrečy, što Kazachstan zacikaŭleny brać udzieł u pryvatyzacyi biełaruskich pradpryjemstvaŭ. «My byli b zacikaŭleny nabyć pakiety akcyj pradpryjemstvaŭ u cełym šerahu siektaraŭ biełaruskaj ekanomiki», — udakładniŭ jon.

Rumas prapanavaŭ razhledzieć mahčymaści raźvićcia dvuchbakovaha supracoŭnictva pa niekalkich kirunkach, u ich liku transpart i łahistyka.

Biełaruś znachodzicca na pierasiačeńni najbujniejšych mižnarodnych transpartnych kalidoraŭ, što dazvalaje raźvivać na parytetnaj asnovie supracoŭnictva ŭ śfiery transpartu, pierš za ŭsio čyhunačnaha i aŭtamabilnaha.

Kazachstan prajaŭlaje cikavaść da stvareńnia na terytoryi Biełarusi sučasnaha terminała dla pieravałki i zachoŭvańnia zbožža na šlachu jaho transparciroŭki jeŭrapiejskim spažyŭcam.

Nahadajem, čakajecca, što prezident Kazachstana Nursułtan Nazarbajeŭ naviedaje Biełaruś z aficyjnym vizitam 12–14 maja.

Kamientary da artykuła