Pasoł Kabiakoŭ: Pakupnikoŭ «Biełaruśkalija» za abvieščanuju canu pakul niama
Nahadajem, što Łukašenka prapanoŭvaje pradać jaho za 32 młrd dalaraŭ.
Minsk hatovy pradać rasijskamu boku pradpryjemstva «Biełaruśkalij», ale pakul niama achvotnych zapłacić abvieščanuju canu, paviedamiŭ pasoł Biełarusi ŭ Rasijskaj Fiederacyi Andrej Kabiakoŭ, paviedamlaje Interfaks.
«Prapanovaŭ ad rasijskaha boku, jakija adpaviadali b hetaj canie, nie było. Košt nazvany, kali jość achvotnyja, my hatovyja razmaŭlać»,— skazaŭ jon u čaćvier na
«Kali zhody niama, to niama pakul i ździełki»,— dadaŭ pasoł, adznačyŭšy, što košt raście z ulikam inflacyi.
Nahadajem, što ŭ aŭtorak
«My nikoli nie budziem pradavać kantrolny pakiet «Biełaruśkalija», — zajaviŭ jon žurnalistam.
Adkazvajučy na pytańnie žurnalistaŭ, ci prachodziać pieramovy z kampanijaj Indian Potash Ltd, jakaja raniej vykazvała zacikaŭlenaść kupić dolu «Biełaruśkalija» abo zaklučyć ź biełaruskim bokam doŭhaterminovy kantrakt, pieršy
U toj ža čas Łukašenka, vystupajučy ŭ parłamiencie z pasłańniem da naroda i deputataŭ 8 maja, zajaviŭ, što Biełaruś hatova pradać «Biełaruśkalij» za 30–32 młrd dalaraŭ.
«My hatovyja, ja ŭžo jaki raz paŭtaraju, pryvatyzavać navat „Biełaruśkalij“, dzie rentabielnaść 70–100%. Ale heta pytańnie cany.
I canu my nazvali — siońnia heta ŭžo nie 30 miljardaŭ, a 32 miljardy dalaraŭ. Achvotnyja — prychodźcie. Niama achvotnych. Nu što ž… Niama i niama. Pradpryjemstva siońnia pracuje, ludzi atrymlivajuć zarabotnuju płatu, my handlujem kalijnymi ŭhnajeńniami lepš, čym lubaja kampanija ŭ śviecie».
***
«Biełaruśkalij» źjaŭlajecca adnym z troch najbujniejšych pastaŭščykoŭ kalijnych uhnajeńniaŭ na suśvietnym rynku. Dola pradpryjemstva ŭ suśvietnaj vytvorčaści kalijnych uhnajeńniaŭ składaje kala 15%, u suśvietnym eksparcie kaliju — zvyš 16%.