Akcyjaniery Facebook padali ŭ sud na Cukierbierha i bank Morgan Stanley
Vinavaciać u prychoŭvańni rezkaha pamianšeńnia cany akcyj.
Akcyjaniery sacyjalnaj sietki Facebook padali ŭ sud na jaje zasnavalnika Marka Cukierbierha i inviestycyjny bank Morgan Stanley, abvinavačvajučy ich u prychoŭvańni ad klijentaŭ infarmacyi ab panižeńni cany kaštoŭnych papier kampanii.
U pazoŭnaj zajavie, nakiravanaj u sud Manchetena, śćviardžajecca, što Facebook i Morgan Stanley schavali ad trymalnikaŭ «rezka vyjaŭlenaje pamianšeńnie» prahnazavanaj cany kaštoŭnych papier.
Raniej inśpiektary ministerstva finansaŭ ZŠA ŭžo zapytvali ŭ inviestycyjny bank, ci mieŭ jon nieabchodnuju trymalnikam akcyj infarmacyju na momant startu tarhoŭ 18 maja.
Pradstaŭniki banka adkinuli ŭsie abvinavačvańni i zajavili, što dziejničajuć stroha ŭ adpaviednaści ź isnujučymi praviłami.
Raniej paviedamlałasia, što sud amierykanskaha štata Masačusiets pačali rasśledavańnie mahčymych parušeńniaŭ zakonu z boku banka Morgan Stanley pry praviadzieńni pieršasnaha publičnaha raźmiaščeńnia (IPO) akcyj sacyjalnaj sietki.
Za try dni z pačatku tarhoŭ akcyi Facebook patańnieli na 18% u paraŭnańni z startavaj canoj u 38 dalaraŭ.