Najlepšyja zdymki hoda — vyniki konkursu fatohrafaŭ

«Pres-fota Biełarusi-2012»: «Našaniviec» Siarhiej Hudzilin uziaŭ čatyry pryzavyja miescy!

U Minsku 26 maja byli padviedzienyja vyniki štohadovaha konkursa «Pres-fota Biełarusi — 2012». Chto zaniaŭ pieršyja miescy ŭ naminacyjach?

Hran-pry, Partret Alaksandr Vasiukovič Maci Uładzisłava Kavalova razhladaje partret syna. Uładzisłava Kavalova asudzili na śmierć za ŭdzieł u rychtavańni teraktu ŭ minskim mietro 11 krasavika 2011 hoda, u vyniku jakoha zahinuli 15 čałaviek. Prysud vykanali ŭ sakaviku 2012 hoda. Viciebsk, žnivień 2011.

Naviny 1 miesca, Siarhiej Bałaj Milicyjanty ŭ cyvilnym zatrymlivajuć udzielnika maŭklivaha pratestu. Usio leta žychary Biełarusi, kaardynujučysia praź internet, vychodzili na vulicy haradoŭ i moŭčki plaskali ŭ ładki. Niahledziačy na adsutnaść palityčnych patrabavańniaŭ, fłešmoby žorstka razhanialisia pracaŭnikami pravaachoŭnych orhanaŭ. Sotni ludziej byli aryštavanyja na terminy da 15 sutak. Minsk, červień, 2011. (www.gazetaby.com)

Ludzi ŭ navinach 1 miesca, Taćciana Ziańkovič Dziaržaŭny ściah Biełarusi zakryvaje tvar žaŭnieru ŭ vietrany dzień padčas cyrymonii pryniaćcia prysiahi. Pasiołak Sosny, uskraina Minska, śniežań 2011. (JERA)

Sport 1 miesca, Miłana Charytonava Udzielnicy turniru pa spartovaj akrabatycy. Brest, vierasień 2011.

Sport 2 miesca, Siarhiej Hudzilin Futbalisty «Homiela» śviatkujuć pieramohu ŭ finale Kubka Biełarusi. Minsk, maj 2011. («Naša Niva»)

Tradycyi 1 miesca, Andrej Davydčyk Tradycyjny furšet pierad pajezdkaj u ZAHS u kvatery niaviesty. Minsk, kastryčnik 2011.

Mastactva i zabavy 1 miesca, Andrej Vietraŭ Tancavalny fiestyval-konkurs «Styl-Dance» ŭ horadzie Hrodna. Udzielnica tancavalnaha kalektyvu biažyć pa kalidory ŭ zału na scenu. Hrodna, luty 2011.

Pryroda 1miesca, Uładzimir Šarnikaŭ Noč na race Bierazinie, žnivień 2011.

Letašni pieramožca - Siarhiej Hudzilin

Hran-pry, Partret

Alaksandr Vasiukovič

Maci Uładzisłava Kavalova razhladaje partret syna. Uładzisłava Kavalova asudzili na śmierć za ŭdzieł u padrychtoŭcy teraktu ŭ minskim mietro 11 krasavika 2011 hoda, u vyniku jakoha zahinuli 15 čałaviek. Prysud vykanali ŭ sakaviku 2012 hoda. Viciebsk, žnivień 2011.

Naviny

1 miesca, Siarhiej Bałaj

Milicyjanty ŭ cyvilnym zatrymlivajuć udzielnika maŭklivaha pratestu. Usio leta žychary Biełarusi, kaardynujučysia praź internet, vychodzili na vulicy haradoŭ i moŭčki plaskali ŭ ładki. Niahledziačy na adsutnaść palityčnych patrabavańniaŭ, fłešmoby žorstka razhanialisia pracaŭnikami pravaachoŭnych orhanaŭ. Sotni ludziej byli aryštavanyja na terminy da 15 sutak. Minsk, červień, 2011. (www.gazetaby.com)

Naviny (Sieryi)

1 miesca, Ramil Nasibulin

Terakt u mietro. Vybuch, jaki prahučaŭ na stancyi «Kastryčnickaja», zabraŭ 15 žyćciaŭ, sotni čałaviek byli paranienyja. Minsk, 11 krasavika 2011.

Ludzi ŭ navinach

1 miesca, Taćciana Ziańkovič

Dziaržaŭny ściah Biełarusi zachinaje tvar žaŭnieru ŭ vietrany dzień padčas cyrymonii pryniaćcia prysiahi. Pasiołak Sosny, uskraina Minska, śniežań 2011. (JERA)

Ludzi ŭ navinach (sieryi)

1 miesca, Anton Matolka

Pracaŭniki milicyi (PMSP) napadajuć na minaka padčas mirnaj akcyi pratestu «Revalucyja praz sacyjalnuju sietku». Usiaho ŭ toj dzień zatrymali 200 (aficyjnyja źviestki) — 450 (źviestki pravaabaroncaŭ) čałaviek. Minsk, 22 červienia 2011.

Sport

1 miesca, Miłana Charytonava

Udzielnicy turniru pa spartovaj akrabatycy. Brest, vierasień 2011.

2 miesca, Siarhiej Hudzilin

Futbalisty «Homiela» śviatkujuć pieramohu ŭ finale Kubka Biełarusi. Minsk, maj 2011. («Naša Niva»)

Sport (sieryi)

1 miesca, Alaksiej Stalaroŭ

Šlach da baskietbołu na kołach.

3 miesca, Siarhiej Hudzilin

Nielehalnyja honki. Akramia aficyjnych spabornictvaŭ pa dreh-rejsinhu, biełaruskija honščyki ładziać nielehalnyja. Zajezdy na 402 mietry pravodziacca ŭnačy na pustych darohach za dziasiatki kiłamietraŭ ad Minska. Časam u nielehalnyja honki ŭmiešvajecca milicyja. Šaša za 30 kiłamietraŭ na ŭschod ad Minska, maj 2011. (nn.by)

Štodzionnaje žyćcio (sieryi)

1 miesca, Alaksandr Vasiukovič

Žyćcio maładoj mamy padparadkoŭvajecca raskładu dziciaci, ciapier usio krucicca vakoł jaho. Zastajecca niašmat času na son i jašče mienš — na siabie. Minsk, lipień 2011. (generation.by)

Tradycyi

1 miesca, Andrej Davydčyk

Tradycyjny furšet pierad pajezdkaj u ZAHS u kvatery niaviesty. Minsk, kastryčnik 2011.

Tradycyi (sieryi)

1 miesca, Alaksandr Vasiukovič

Śviatkavańnie pahanskaha śviata Kupalle. Vioska Rakaŭ, Minskaja vobłaść, červień 2011.

Partret (sieryi)

1 miesca, Siarhiej Hudzilin

Inšy bok svabody. Partrety ludziej u turmie, jakich aryštavali letam 2011 hoda ŭ Biełarusi za ŭdzieł u «maŭklivych pratestach». Minsk, lipień 2011. (nn.by)

Usio leta 2011 hoda pa sieradach u Biełarusi prachodzili akcyi «maŭklivych pratestaŭ». Va ŭsich bujnych haradach krainy sotni ludziej vychodzili na centralnyja płoščy i prosta hulali. Inšyja vidy pratestu ŭ krainie zabaronienyja. Moŭčki, biez łozunhaŭ i transparantaŭ, jany vykazvalisia suprać parušeńniaŭ pravoŭ čałavieka i palityčnych represijaŭ. U vyniku dziasiatki pratestoŭcaŭ apynulisia ŭ turmie. Milicyjanty ŭ cyvilnym aryštoŭvali ich prosta na vulicy. Heta sieryja ananimnych partretaŭ pratestoŭcaŭ, jakija adbyvali pakarańnie ŭ biełaruskich turmach za svoj maŭklivy pratest. Daviedacca ichnyja imiony akazałasia niemahčyma, bo my byli pa roznyja baki turemnych krataŭ.

Mastactva i zabavy

1 miesca, Andrej Vietraŭ

Tancavalny fiestyval-konkurs «Styl-Dance» ŭ horadzie Hrodna. Udzielnica tancavalnaha kalektyvu biažyć pa kalidory ŭ zału na scenu. Hrodna, luty 2011.

Mastactva i zabavy (Sieryi)

1 miesca, Juryj Sidun

Sieryja papiarovych «kancertaŭ» zabaronienych muzykaŭ na najbujniejšych placoŭkach stalicy. Minsk, krasavik 2011. Art-akcyja «Freedom on paper» dziela padtrymańnia viadomych biełaruskich muzykaŭ, jakich uviesnu 2011 hoda ŭnieśli ŭ śpis z 57 zabaronienych praź ideałahičnyja pryčyny artystaŭ. U vyniku zabarony dziasiatki kancertaŭ hetych paśpiachovych muzykaŭ admianili. (Generation.by)

2 miesca, Siarhiej Hudzilin

Pratest na skury (nn.by).

Vyjava vieršnika niekali była ŭ Biełarusi dziaržaŭnym hierbam i znakam honaru. Ciapier u krainie Pahonia faktyčna zabaronienaja i stała simvałam nacyjanalnaha pratestu siarod moładzi. Vieršnika adlustroŭvajuć na ciele ŭ vyhladzie tatuiroŭki.

Histaryčny simvał Pahonia staŭ dziaržaŭnym hierbam Biełarusi ŭ 1991 hodzie. Paśla prychodu da ŭłady Alaksandra Łukašenki na miesca vieršnika ŭ 1995 hodzie viarnuli dziaržaŭnyja simvały BSSR. Pahonia ŭsialakim čynam ścirałasia z navakolnaj rečaisnaści: jaje prybrali z nacyjanalnaj valuty, pašpartoŭ i navat padručnikaŭ. Za demanstracyju na vulicach biełaruskich haradoŭ vyjavaŭ z Pahoniaju hramadzianaŭ mohuć aryštavać ci aštrafavać. Hety hierb dla patryjatyčnaj biełaruskaj moładzi staŭ simvałam pratestu i histaryčnaj pamiaci, jaki jany vyjaŭlajuć na svajoj skury.

Pryroda

1 miesca, Uładzimir Šarnikaŭ

Noč na race Bierazinie, žnivień 2011.

Pryroda (sieryi)

1 miesca, Juryj Kulikoŭ

Padvodnaje žyćcio ŭ krejdavych karjerach. Niepadalok pasiołka Krasnasielski, Hrodzienskaja vobłaść, žnivień 2011.

Astatnija vyniki — na sajcie Pressphoto.by

Kamientary da artykuła