Ułany VKŁ u Niaśvižy — fota

U rezidencyi Radziviłaŭ prajšoŭ abłasny forum narodnaj tvorčaści.

Abłasny forum narodnaj tvorčaści «Niaśvižski fest» abjadnaŭ adrazu try śviaty: fiestyval narodnaj muzyki «Hulaj, harmonik», sałomaplacieńnia «Sałamianyja cudy» i «Falkłornuju tałaku».

Śviata pačałosia z paradu kalektyvaŭ samadziejnaści, na jakim možna było ŭbačyć nie tolki harmanistaŭ, ale i aryhinalnuju biełaruskuju interpretacyju mieksikanskaha el-maryjačy, praŭda, z ružovaj bas-hitaraj.

Falkłorna-ramiesnaja častka śviata akazałasia sapraŭdy masavaj. Pa słovach arhanizataraŭ, na fest pryjechała kala 800 udzielnikaŭ z Hrodzienskaj i Minskaj abłaściej.

Varta adznačyć, što arhanizatary i pravaachoŭnyja orhany vyrašyli nie napružvać haściej śviata, abyšoŭšysia biez užo zvykłych sercu biełarusa ramak mietałašukalnikaŭ i ahladaŭ torbaŭ.

Tyja, kamu nie spadabalisia sałamianyja vyraby abo vystupy falkłornych kalektyvaŭ, zmahli naviedać placoŭku la Niaśvižskaha zamka, dzie razhortvałasia kaściumavanaje šou časoŭ vajny 1812 hoda z udziełam rekanstruktaraŭ z 17-ha ŭłanskaha pałka VKŁ, jakija demanstravali vierchavuju jazdu, vałodańnie šablaj i pikaj.

Zaviaršyłasia śviata hała-kancertam i salutam.

Kamientary da artykuła