U Biełaruś prylataje prezident Baškartastana

Delehacyja Respubliki Baškartastan Rasijskaj Fiederacyi na čale z prezidentam Rustemam Chamitavym 14–15 červienia naviedaje ź vizitam Biełaruś.

Jak paviedamlaje pres-słužba biełaruskaha źniešniepalityčnaha viedamstva, zapłanavanyja sustrečy baškartastanskaj delehacyi ŭ Administracyi prezidenta i Saviecie ministraŭ Biełarusi.

Prahramaj vizitu praduhledžana naviedvańnie AAT «Kirujučaja kampanija chołdynhu «Biełkamunmaš», navukova-praktyčnaha centra NAN Biełarusi pa miechanizacyi sielskaj haspadarki, Biełaruskaj handlova-pramysłovaj pałaty, a taksama praviadzieńnie kantaktna-kaapieracyjnaj biržy pradstaŭnikoŭ biełaruskich i baškartastanskich dziełavych kołaŭ.

Delehacyja naviedaje taksama Bresckuju vobłaść dla aznajamleńnia z rabotaj sielskahaspadarčych pradpryjemstvaŭ biełaruskaha rehijonu (KUSP «Saŭhas «Brescki», SVK «Čarnaŭčycy», AAT «Biełaviežski»), aznajomicca z rabotaj i vopytam raźvićcia turystyčnaj śfiery ŭ Dziaržaŭnaj pryrodaachoŭnaj ustanovie «Nacyjanalny park «Biełaviežskaja pušča».

Pavodle infarmacyi pres-słužby MZS, u 2011 hodzie tavaraabarot z Baškartastanam skłaŭ 1.445,7 młn. dołaraŭ i ŭ paraŭnańni z 2010 hodam pavialičyŭsia ŭ 2,2 razu, ekspart — 162,0 młn. dołaraŭ, pavialičyŭsia na 27,3%, impart — 1.283,7 młn. dołaraŭ, pavialičyŭsia ŭ 2,5 razu. Salda admoŭnaje — 1.121,7 młn. dołaraŭ.

U studzieni-sakaviku 2012 hoda tavaraabarot skłaŭ 417,5 młn. dołaraŭ i ŭ paraŭnańni z adpaviednym pieryjadam 2011 hoda pavialičyŭsia ŭ dva razy, ekspart skłaŭ 33,9 młn. dołaraŭ i pavialičyŭsia na 11,0%, impart skłaŭ 383,6 młn. dołaraŭ i pavialičyŭsia ŭ 2,1 razu. Salda admoŭnaje — 349,7 młn. dołaraŭ.

Kamientary da artykuła