Na praśpiekcie Niezaležnaści sutyknulisia try kabryjalety — fota, videa
Heta adbyłosia kala Vajskovaj akademii.
Učora na praśpiekcie Niezaležnaści ŭ Minsku adbyłasia niezvyčajnaja avaryja z udziełam adrazu troch kabryjaletaŭ Chrysler. Vidavočcami nastupstvaŭ zdareńnia stali ŭdzielniki forumu Onliner.by, jakija vykłali fatahrafii i videa tak zvanaha «Paravozika». Pa słovach čytačoŭ, aŭtamabili sutyknulisia kala 16.00 pablizu Vajskovaj akademii.
Tradycyju abjazdžać stalicu ŭ kabryjaletach majuć vypuskniki Vajskovaj akademii i inšych VNU Minabarony i MNS. Atrymaŭšy pahony, maładyja aficery arandujuć šykoŭnyja aŭtamabili i jeduć praź Minsk u abdymku sa svaimi dziaŭčatami, šumna vitajučy ludziej na vulicach.
Na fota vidać, što pobač z paciarpiełymi kabryjaletami jakraz i stajać zakłapočanyja aficery ŭ «paradkach». Mahčyma, chtości ź ich na radaściach źmienšyŭ uvahu, i śviata pieratvaryłasia ŭ dzień poŭny turbotaŭ.