Niezaŭvažanyja chity The Rolling Stones

12 lipienia słavutamu hurtu spaŭniajecca 50 hadoŭ.

12 lipienia 1962 adbyŭsia pieršy kancert The Rolling Stones. Za minułyja 50 hadoŭ «rolinhi» źmianilisia chiba źniešnie. Jany dahetul hrajuć u amal pieršapačatkovym składzie: tolki hitaryst Brajan Džons pamior jašče ŭ 1969-m, a basist Bił Uajman u pačatku 90-ch syšoŭ, bo stamiŭsia.

Što možna dadać da ŭsiaho ŭžo napisanaha pra dasiahnieńni The Rolling Stones. Prapanujem videa piaci vialikich pieśniaŭ «rollinhaŭ», jakija redka traplajuć u padborki Greatest Hits. A darma.

Rocks Off

Hetaja pieśnia adkryvaje samy važny ŭ historyi The Rolling Stones albom — padvojny Exile on Main St. Pra ŭmovy zapisu alboma na francuzskaj vile Nelkot chodziać lehiendy, zdymajucca filmy i pišucca knihi. A pieśnia Rocks Off, jakaja spałučyła sapraŭdny rok-napor z hienijalnym refleksijnym tekstam Mika Džahiera, uzhadvajecca redka — vypraŭlajem.

If You Really Want to be my Friend

Adna z samych pryhožych pieśniaŭ hurtu, z alboma It's Only Rock'n'Roll. Z kudy bolš prostaj i pryjemnaj miełodyjaj, čym u słavutaj Angie. Apošniaja praca z «rolinhami» hitarysta Mika Tejłara, albomy ź jakim ličacca «załatym pieryjadam» hurtu.

The Worst

A voś i Kit Ryčard ź pieśniaj pra toje, jaki jon drenny, i jak jahonaj dziaŭčynie treba nie źviartać na jaho ŭvahi — usio adno jon «horšaje, što moža z taboj zdarycca».

Fingerprint File

Hety pryfankavany šedeŭr aktyŭna vykonvaŭsia «rolinhami» u 70-ja, adnak z časam jon zabyŭsia. A škada: pačuŭšy jaje studyjnuju viersiju, i nie zdahadaješsia adrazu, što za hurt hučyć z kałonak.

Drift Away

Pieršapačatkova hety himn rok-n-rołu musiŭ vyjści na adnym z albomaŭ 70-ch hadoŭ, adnak u vyniku cudoŭny kavier na Dobi Hreja zastaŭsia lažać na palicy. Tym nie mienš, dziakujučy "butlehieram", zapis hulaje pa śviecie voś užo 20 hadoŭ.

Kamientary da artykuła