U Varšavie pačali zadarma vydavać rovary naprakat
a što možna było b takoha zrabić u nas?
Zdarovy transpart možna pazyčyć u adnym z 68 punktaŭ.
Hadzina prakatu municypalnaha rovara abydziecca ŭ 1 złoty (na našyja — kala 2,5 tysiačy rubloŭ). A pajezdki praciahłaściu da 20 chvilinaŭ — hetaha dastatkova, kab prajechać niekalki prypynkaŭ, da 3–5 kiłamietraŭ, buduć biaspłatnymi.
Prajazdžaješ — i zdaješ u inšym punkcie.
Zdarovy srodak pieramiaščeńnia možna pazyčyć u adnym z 68 punktaŭ prakata. Usiaho ŭ rasparadžeńni žycharoŭ i haściej polskaj stalicy budzie 1100 haradskich rovaraŭ.
Kab skarystacca hetaj pasłuhaj, treba mieć bankaŭskuju kartku i zarehistravacca na admysłovym sajcie (jość rasijskaja i anhlijskaja viersii).
Takoj vialikaj sietki prakatu ŭ Polščy jašče nie było. Da hetaj najbujniejšaj ličyłasia anałahičnaja sistema va Urocłavie, jakaja naličvaje 200 rovaraŭ.
Darečy, u Varšavie ŭ haradskich aŭtobusach ciapier jość biaspłatny vaj-faj. Heta rekłamnaja akcyja kampanii Allegro.