Łukašenka zaklikaŭ siłavyja struktury reahavać na publikacyi ŚMI
«Zvanok hienieralnamu prakuroru — u jaho pramaja suviaź z prezidentam. Jon atrymlivaje adpaviedny dazvoł na peŭnyja dziejańni»
«Srodki masavaj infarmacyi krytykujuć, a ŭsio spakojna siadziać?» — zadaŭsia pytańniem Łukašenka na naradzie ŭ spravie ŭdaskanaleńnia dziejnaści prakuratury.
Takim čynam kiraŭnik Biełarusi źviarnuŭ uvahu ŭdzielnikaŭ narady na reakcyju na fakty, jakija stali abjektam krytyki ŭ ŚMI, adznačaje Interfaks.
Narada adbyłasia 2 žniŭnia. Adnak pres-słužba Łukašenki paviedamiła pra jaje tolki 3-ha.
«Vy (rabotniki prakuratury) možacie navat pryciahnuć hubiernatara da adkaznaści, kali jon vinavaty. I nie tolki hubiernatara, luboha ministra. Zvanok hienieralnamu prakuroru — u jaho pramaja suviaź z prezidentam. Jon atrymlivaje adpaviedny dazvoł na peŭnyja dziejańni» — zajaviŭ Łukašenka.
Niajasna, jakija fakty mieŭ na ŭvazie Alaksandr Łukašenka.