Na nastupnym tydni milicyja budzie zmahacca z parnahrafijaj
Asablivaja ŭvaha budzie nadadzienaja sacyjalnym sietkam i pieradačy porna praz mabilniki.
Na nastupnym tydni, z 6 pa 12 žniŭnia, u Minskaj vobłaści projdzie tydzień baraćby z raspaŭsiudžvańniem parnahrafii siarod moładzi. Asablivuju ŭvahu pravaachoŭniki paabiacali nadać «masiravanamu manitorynhu sacyjalnych sietak", a taksama pieradačy parnahrafii z dapamohaj mabilnych telefonaŭ.
Va UUS Minabłvykankama adznačyli, što situacyja, źviazanaja z raspaŭsiudžvańniem «darosłaha kantentu» u moładzievym asiarodździ patrabuje «nieadkładnych dadatkovych mier nie tolki z boku milicyi, ale i rabotnikaŭ adukacyi, kultury, achovy zdaroŭja, hramadskaści ŭ cełym».
«Praca ŭsich słužbaŭ budzie pravodzicca ŭ adpaviednaści z sumiesnym płanam, jakim praduhledžany jak mierapryjemstvy prafiłaktyčnaha charaktaru, tak i apieratyŭnyja, u chodzie jakich buduć ustanaŭlivacca i pryciahvacca da adkaznaści złamyśniki», - adznačyli va UUS.