Jakaŭleŭski: Eryksanu vydali «abraźlivuju» trochmiesiačnuju turystyčnuju vizu
Ahladalnik miarkuje, što rašeńnie pra vysyłku Eryksana rychtavałasia daŭno.
«Heta prosta prypała na padziei z šviedskim samalotam, — miarkuje ahladalnik Raman Jakaŭleŭski. — Ale ŭžo nie sakret, što Eryksan atrymaŭ „abraźlivuju“ vizu — turystyčnuju, na try miesiacy. Mnie heta daŭno stała viadoma, ale ja nie moh pra heta ŭhołas havaryć. Dumaju, što hety termin i skončyŭsia. I ŭžo nie pieršy miesiac hetaja historyja doŭžycca.
Adno chaču padkreślić, spasyłajučysia na peŭnyja infarmavanyja krynicy: ŭłady nie płanavali pasyłać u Stakholm novaha biełaruskaha ambasadara. Chacieli pasłać zvyčajnaha časovaha pavieranaha. Panižeńnie ŭzroŭniu dypłamatyčnych stasunkaŭ było metaskiravanaje. Jano płanavałasia daŭno».