Ułady Minska šukajuć inviestara, hatovaha vyłučyć 350 młn jeŭra na budaŭnictva balnicy na poŭnačy horada
Uźviadzieńnie žyłoha mikrarajona Paŭnočny u Minsku zamarožanaje, adnak ułady nie admaŭlajucca ad prajekta novaj haradskoj kliničnaj balnicy ŭ hetaj častcy horada.
Raniej u ŚMI paviedamlałasia, što abjekt achovy zdaroŭja pabudujuć z pryciahnieńniem francuzskaha kredytu ŭ pamiery 300 młn jeŭra. Adnak ciapier, vidavočna, ułady zaniatyja pošukam novych kredytoraŭ. Adpaviednaja prapanova źjaviłasia dniami ŭ inviestycyjnym atłasie na sajcie Minharvykankama. Tolki ciapier prajekt acenieny ŭžo ŭ 350 młn jeŭra.
«Klinika stanie samaj bujnoj u krainie. Pryncypy funkcyjanavańnia novaj kliniki nabližanyja da jeŭrapiejskich i mižnarodnych standartaŭ», — udakładniajecca ŭ apisańni prajekta. Balnica budzie raźličanaja na 1286 łožkaŭ, u jaje składzie miarkujecca i radzilny dom.
Kamitet pa achovie zdaroŭja Minharvykankama taksama paviedamlaje, što ŭ prajekt užo ŭkładziena 1 311 750 jeŭra: srodki zatračanyja na raspracoŭku architekturnaha prajekta, vykanańnie architekturnych rašeńniaŭ
Novuju balnicu płanujuć pabudavać da 2016 hoda.