Madonnu chočuć aštrafavać na $10,5 młn za kancert u Pieciarburhu
Prafsajuz hramadzian Rasii vinavaci śpiavačku ŭ prapahandzie homaseksualizmu.
Prafsajuz hramadzian Rasii i aktyvisty inšych hramadskich abjadnańniaŭ chočuć praz sud zapatrabavać u śpiavački Madonny i arhanizataraŭ jaje kancertu ŭ Sankt-Pieciarburhu 333 młn rasijskich rubloŭ ($10,5 młn) za toje, što jana, na ich dumku, parušyła zakon ab zabaronie prapahandy homaseksualizmu.
Na kancercie ŭ Maskvie Madonna zastupiłasia za udzielnic pank-hrupy Pussy Riot, a ŭ Pieciarburhu jana zastupiłasia za miascovuju ŁHBT-supolnaść u suviazi z haradskoj zabaronaj demanstravać svaju seksualnuju prynaležnaść pavodle zakona ab zabaronie prapahandy homaseksualizmu.
Sa sceny Madonna zajaviła, što va ŭsim śviecie hiei majuć adnolkavyja pravy na pavahu, roŭnaść i kachańnie.