Sud daŭ Pussy Riot pa dva hady ahulnaha režymu + foty z zały suda
abnoŭlena
Chamoŭnicki sud Maskvy 17 žniŭnia abviaściŭ prysud udzielnicam hurtu Pussy Riot, jakich abvinavačvajuć u chulihanstvie za pank-malebien «Baharodzica, Pucina prahani» ŭ maskoŭskim Chramie Chrysta Zbaŭcy. Vyrak Nadziei Tałakońnikavaj, Maryi Alochinaj i Kaciarynie Samucevič ahučyła sudździa Maryna Syrova.
U pryvatnaści, jana zajaviła: «Tałakońnikava, Samucevič i Alochina ździejśnili chulihanstva, heta značyć, hrubaje parušeńnie hramadskaha paradku, jakoje vykazvała jaŭnuju niepavahu hramadstvu i było ździejśnienaje hrupaj asobaŭ pavodle papiaredniaj zmovy pa matyvach relihijnaj nianaviści i varožaści dy pa matyvach nianaviści ŭ adnosinaj da peŭnaj sacyjalnaj hrupy».
Niezadoŭha da abviaščeńnia prysudu da budynka suda pryjšli hramadzianskija aktyvisty i dziejačy kultury, kab padtrymać udzielnic Pussy Riot. Jak paviedamlajuć abaroncy abvinavačanych, 17 žniŭnia akcyi salidarnaści prachodziać bolš čym u 40 haradach śvietu.