«Dažynki» projduć z razmacham: z 12 pa 16 vieraśnia

Žycharam Horak nie rekamiendujuć u hetyja dni vykarystoŭvać svaje aŭtamabili.

Z 12 pa 16 vieraśnia ŭ suviazi z praviadzieńniem respublikanskaha fiestyvalu-kirmašu pracaŭnikoŭ vioski «Dažynki-2012» pa vulicach horada Horki (Mahiloŭskaja vobłaść) abmiažujuć ruch transpartu.

U hetyja dni ruch transpartu pa vuł. Jakuboŭskaha ad vuł. Vakzalnaj da vuł. Brucera-Jerafiejeŭskaja budzie zakryty, bo tut razhornucca handlovyja šerahi i kancertnyja placoŭki. Abmiažujuć ruch pa vulicach Vakzalnaja, Brucera-Jerafiejeŭskaja, Savieckaja, Lenina, Kujbyšava, praśpiekcie Internacyjanalnym.

Tut budzie dazvoleny prajezd tolki dla hramadskaha i akredytavanaha transpartu.

Usie hości zmohuć pakinuć asabistyja aŭtamabili na achoŭnych stajankach na asnoŭnych ŭjezdach u horad, a da miesca śviatkavańniaŭ dabracca hramadskim transpartam.

Žycharam Horak Dziaržaŭtainśpiekcyja taksama nie rekamiendujuć vykarystoŭvać svaje aŭtamabili.

«Usie hetyja miery robiacca dla taho, kab razhruzić vulicy horada na čas śviata, tak jak dla pasažyraŭ buduć arhanizavany dadatkovyja maršruty hramadskaha transpartu», — rastłumačyli śpiecyjalisty.

Kamientary da artykuła