Samsung pačynaje prajekt «Smak biełaruskich zdymkaŭ»
Jaho meta — paspryjać papularyzacyi rodnaj movy siarod minčukoŭ.
6 vieraśnia kampanija Samsung prezientavała ŭ staličnym Domie Maskvy prajekt «Smak biełaruskich zdymkaŭ», meta jakoha — paspryjać papularyzacyi rodnaj movy siarod minčukoŭ.
Z dapamohaj novych fotakamier Samsung NX žurnalisty i błohiery mieli mahčymaść stać aŭtarami płakataŭ, jakija nieŭzabavie ŭpryhožać vulicy Minska i dapamohuć spravie papularyzacyi rodnaj movy siarod staličnych žycharoŭ.
Zdymki dla sacyjalnaha płakata možna było zrabić z dapamohaj kansultantaŭ u troch fotazonach: «Smak biełaruskaj movy (raśliny)», «Pryhažość biełaruskaj movy (ludzi)», «Bahaćcie biełaruskaj movy (žyvioły)».Udzielniki prezientacyi taksama adnymi ź pieršych mieli mahčymaść vyprabavać karysnyja funkcyi novaha pakaleńnia
Inicyjatyva Samsung stała praciaham adnajmiennaha letašniaha prajekta, realizavanaha adnym z apierataraŭ vonkavaj rekłamy ŭ Minsku — kampanijaj «Biełźniešrekłama».