Iryna Chalip: Sańnikaŭ emihravać nie źbirajecca

Zaraz eks-kandydat u prezidenty prachodzić kurs lačeńnia ŭ Litvie.

Pra heta zajaviła žonka eks-kandydata ŭ prezidenty i eks-palitviaźnia.

Nahadajem, u subotu stała viadoma, što paplečnik Andreja Sańnikava i jaho davieranaja asoba na vybarach-2010Źmicier Bandarenka vyrašyŭ zastacca ŭ Polščy i nie viartacca na radzimu. Jon miarkuje, što ŭ Biełarusi jamu pahražaje novy aryšt.

Iryna Chalip kaža, što ab rašeńni Bandarenki sama daviedałasia ź internetu.

Sańnikaŭ zaraz lečycca ŭ Litvie i nie płanuje zastavacca za miažoj.

«Jon prachodzić kurs lačeńnia. Jon paviedamiŭ u kryminalna-vykanaŭčuju inśpiekcyju, u jakoj jaho pastavili na ŭlik, ab tym, što jon na peŭny čas źjedzie. Tak što — čakajem doma», — skazała Iryna Chalip.

Dakładnuju datu viartańnia Sańnikava žonka nie viedaje. Kaža, što paśla kursu lačeńnia jon pavinien prajści miedycynskaje abśledavańnie. Chutčej za ŭsio, na radzimu eks-palitviazień vierniecca jašče ŭ vieraśni.

Kamientary da artykuła