Davieranaja asoba Sańnikava miarkuje, što ŭ Biełarusi isnuje novaja pahroza aryštu.
Pra heta były palitviazień Dźmitryj Bandarenka zajaviŭ u intervju charter97.org.
— Ja pryniaŭ rašeńnie nie viartacca ŭ Biełaruś. Liču, što isnuje realnaja pahroza majho novaha aryštu.Vy bačycie, što siońnia adbyvajecca ŭ krainie. Majo viartańnie stanie mahčymym tolki ŭ vypadku vyzvaleńnia ŭsich biełaruskich palitviaźniaŭ, źniaćcia sudzimaściaŭ i našaj poŭnaj reabilitacyi.
Bandarenka ź lipienia znachodziŭsia ŭ Polščy.
«Apošniaj kroplaj u pryniaćci takoha ciažkaha rašeńnia stała novaje sudzilišča nad Źmitrom Daškievičam.Ja zaŭsiody ličyŭ, što 16 miesiacaŭ prosta znachodziŭsia ŭ pałonie. I dumaju, što bolš karyści zmahu prynieści krainie, znachodziačysia na svabodzie».
Kaardynatar hramadzianskaj kampanii «Jeŭrapiejskaja Biełaruś» Dźmitryj Bandarenka byŭ aryštavany 19 śniežnia 2010 h., paśla Płoščy, i asudžany na dva hady kałonii za ŭdzieł u akcyi pratestu na vyniki prezidenckich vybaraŭ. Jon źjaŭlaŭsia davieranaj asobaj Andreja Sańnikava. 15 krasavika 2012 hoda jaho vypuścili na svabodu, paśla taho jak 1 lutaha jon napisaŭ prašeńnie ab pamiłavańni. U turmie Bandarenka pieranios apieracyju na chrybcie.
Ciapier čytajuć
Kab nie trapić na Akreścina, minčuk źbieh žyć u les — voś jaho historyja9
Kamientary