Biełaruska Kaciaryna Buraja pieramahła na konkursie pryhažości Miss Supranational-2012 u Varšavie
dadałosia videa ŭznaharodžańnia
Finał konkursu prajšoŭ viečaram 14 vieraśnia.
Biełaruska Kaciaryna Buraja 14 vieraśnia stała pieramožcaj mižnarodnaha konkursu pryhažości Miss Supranational-2012, jaki prajšoŭ u Varšavie,paviedamlaje Telehraf
Druhoje miesca ŭ pradstaŭnički Tajłanda Nantchavan Vanasutcha z Tajłanda, treciaje - u Michaeły Dyhłavaj z Čechii.
Biełaruskija ŚMI rekłamujuć konkurs pryhažości, jak adzin z samych prestyžnych u śviecie, što ŭvachodzić u Top-3, ale polskija ŚMI uvahi konkursu nie nadali.
***
Jak paviedamlała NN.BY raniej, Kaciaryna Buraja naradziłasia ŭ Babrujsku. MDŁU pa śpiecyjalnaści «Mižkulturnyja adnosiny ŭ śfiery turyzmu» skončyła sioleta. U 2008 hodzie stała finalistkaj konkursu «Mis Biełaruś». Lubić tvorčaść Markiesa, zachaplajecca sportam, niadaŭna pačała zajmacca boksam.
Konkurs Miss Supranational doŭhi čas pravodziŭsia vyklučna ŭ Łacinskaj Amierycy, adnak z 2009 hoda pieramiaściŭsia ŭ Jeŭropu.