Na budoŭli Minska zaprašajuć 500 rabočych z KNDR, pieršyja 30 pryjeduć na hetym tydni
Hmachi ŭ centry Pchieńjana budujuć biez budaŭničych kranaŭ. U krainie pieravažaje ručnaja praca vajskovych budaŭnikoŭ. Na fota: razbor staroha budynka.
U Minsku deficyt kadraŭ na budaŭničych abjektach papaŭniajecca za košt studentaŭ, śpiecyjalistaŭ z rehijonaŭ i inšych krain; realizujecca śpiecyjalnaja prahrama, jakaja ŭžo dała stanoŭčy vynik.
Pa vynikach 9 miesiacaŭ 2012 hoda na budplacoŭki pryciahnuta kala 2 tys. čałaviek za košt roznych resursaŭ.
Pra heta paviedamiŭ hienieralny dyrektar DVA «Minskbud» Mikałaj Miłašeŭski na apieratyŭnaj naradzie ŭ Minharvykankamie.
Jon adznačyŭ, što inviestycyjnaja prahrama pa budaŭnictvie vielmi napružanaja, a letašni adtok kadraŭ u 3 tys. čałaviek adbivajecca da hetaha času.
Usiaho na abjektach DVA «Minskbud» z ulikam pryciahnutych śpiecyjalistaŭ siońnia pracujuć bolš za 17,2 tys. čałaviek.
Šerahi staličnych budaŭnikoŭ papoŭnilisia jak za košt moładzi, tak i za košt pracoŭnych mihrantaŭ.
Na staličnyja abjekty pryciahnuty 13 budarhanizacyj ź inšych rehijonaŭ Biełarusi, jość damoŭlenaść jašče z 11. Dapamohuć minčanam i zamiežnyja śpiecyjalisty. «U nas užo pracujuć 10 śpiecyjalistaŭ z Uźbiekistana, budziem pryciahvać jašče, — adznačyŭ M. Miłašeŭski. —
U stadyi zaklučeńnia dahavornyja abaviazacielstvy z KarejskajNarodna-Demakratyčnaj Respublikaj. Płanujem, što pieršyja 30 budaŭnikoŭ z hetaj krainy pryjduć na minskija budoŭli ŭžo na hetym tydni».
Usiaho ŭ stalicu mohuć pryjechać da 500 karejskich budaŭnikoŭ.