U Stolinskim rajonie vosiem čałaviek zhubilisia ŭ žuravinach

U Stolinskim rajonie mienš čym za dźvie hadziny znojdziena vosiem miascovych žycharoŭ, jakija zabłudzili ŭ lesie padčas zboru žuravin.

Jak paviedamiŭ pres-sakratar Bresckaha abłasnoha ŭpraŭleńnia MNS Siarhiej Mašnoŭ, 25 vieraśnia ŭ 18.54 u centr apieratyŭnaha ŭpraŭleńnia Stolinskaha rajadździeła pa NZ pa mabilnym telefonie pazvaniła adna z zabłudnych.

U rajon miarkujemaha miescaznachodžańnia zabłudnych vyjechali supracoŭniki milicyi i laśnik Kašara-Almanskaha laśnictva. Jany padavali hukavyja sihnały aŭtamabilaŭ i zapuścili sihnalnuju rakietu.

U 20.50 hrupu znajšoŭ laśnik, a praź mienš čym hadzinu bryhada chutkaj miedycynskaj dapamohi ŭžo ahledzieła adnu z zabłudnych — 62-hadovuju piensijanierku, u jakoj uźniaŭsia arteryjalny cisk. Žančynie akazana miedycynskaja dapamoha na miescy. U špitalizacyi jana nie mieła patreby. Astatnim miedycynskaja dapamoha nie spatrebiłasia.

Usie zabłukałyjaŭ lesie — žychary vioski Almany. Pavodle ich słoŭ, ranicaj 25 vieraśnia jany adpravilisia źbirać žuraviny na bałota ŭ lesie, što niedaloka ad vioski.

Kaardynacyju pošukaŭ ažyćciaŭlaŭ cent apieratyŭnaha ŭpraŭleńnia Stolinskaha RANS.

Kamientary da artykuła