U kaho, akramia Koli Łukašenki, jość załataja zbroja?

Niadaŭna śviet ablacieła fota z pazałočanym aŭtamatam Kałašnikava, što naležaŭ lidaru mieksikanskaha narkakartela «Supraciŭ» Ramira Posasu Hansalesu, aryštavanamu ŭ Miechika.

«Salidarnaść» zhadała, chto jašče byŭ zaŭvažany z kaštoŭnaj zbrojaj.

Załataja zbroja zachoŭvałasia ŭ Sadama Chusejna, čyj kaniec byŭ biassłaŭny i prynižalny. Cełaja kalekcyja aŭtamataŭ, pistaletaŭ, hranatamiotaŭ z čystaha zołata i srebra.

Baviŭsia załatymi «cackami» i starejšy syn dyktatara — kryvažerny sadyst Udej Sadam Chusejn al-Cikryci. Navat postary da filma «Dvajnik djabła» (źniataha pavodle bijahrafii Łatyfa Jachji — dvajnika syna byłoha prezidenta Iraka) aŭtary zrabili załatymi.

Zrešty, nie tolki Udej razmachvaŭ załatym pistaletam. U stužcy «Dyktatar», jakaja tak i nie źjaviłasia ŭ biełaruskim prakacie, paŭnočnaafrykanski tyran Aładyn (syn, jakomu ad tyrana-baćki dastałasia ŭłada i bahataja naftaj kraina), nie tolki siadzić na pazałočanym tronie i razdorvaje zornym paluboŭnicam kaštoŭnaści, ale i demanstruje svaju załatuju zbroju. U filmie, iranična pryśviečanym «śvietłaj pamiaci Kim Čen Ira», vykarystany zborny vobraz usich dyktataraŭ śvietu.

Voś jašče adzin znakamity zdymak: paŭstancy demanstrujuć załaty pistalet, jaki naležaŭ niabožčyku Muamaru Kadafi.

A voś prezident Čačni Ramzan Kadyraŭ. Taksama sa svajoj załatoj zbrojaj.

I, narešcie, padarunak Dźmitryja Miadźviedzieva synu kiraŭnika Biełarusi Kolu Łukašenku, zrobleny niekalki hadoŭ tamu. Miarkujučy pa tym, što Mikałaj sa zbrojaj «śviaciŭsia» i paśla, chłopčyk cackaj zastaŭsia zadavoleny.

Kamientary da artykuła