Pratestancki jepiskap Siarhiej Cvor u rezkich vyrazach zastupiŭsia za Daškieviča

Jepiskap Abjadnanaj carkvy chryścijan viery jevanhielskaj Siarhiej Cvor prosić dziaržaŭnyja orhany pravieści rasśledavańnie niepravavych dziejańniaŭ administracyi papraŭčaj kałonii № 20 Mazyra ŭ dačynieńni da źniavolenaha Źmitra Daškieviča.

Adpaviedny zvarot śviatar nakiravaŭ u Kamitet pa spravach relihij i nacyjanalnaściaŭ, Hienieralnuju prakuraturu i departamient vykanańnia pakarańniaŭ MUS, paviedamlaje pres-słužba arhkamiteta pa stvareńni partyi «Biełaruskaja chryścijanskaja demakratyja» (BCHD).

Jepiskap paviedamlaje, što 26 vieraśnia ŭ ŚMI źjaviłasia infarmacyja ab cisku, što akazvajecca na Daškieviča z boku administracyi kałonii.

Paviedamlałasia, u pryvatnaści, što pradstaŭniki administracyi źnievažalna vykazvalisia nakont pratestanckich cerkvaŭ i jevanhielskaj viery Daškieviča, a taksama ź ich vusnaŭ hučali pahrozy zhvałtavańnia.

«Źmicier Daškievič źjaŭlajecca členam carkvy chryścijan viery jevanhielskaj „Jan Pradvieśnik“ Minska z 2006 hoda.

Jaho aryšt i asudžeńnie za nibyta ŭčynieny im napad na dvuch mužčyn vyklikali šmat pytańniaŭ jak niepraŭdapadobnaściu takich dziejańniaŭ z boku viernika, tak i dziŭnym praviadzieńniem pracesu, kali paciarpiełych nichto nie bačyŭ.

načalnik kałonii Juryj Zbaroŭski, jaki nazyvaje siabie pravasłaŭnym i pa statusie zaklikany adkazvać za zakonnaść i pravaparadak, dazvalaje sabie źnievažalnaje staŭleńnie da jevanhielskich viernikaŭ», — napisaŭ Cvor.

Jon adznačyŭ, što dziakujučy dziejnaści jevanhielskich chryścijan «mnohija asudžanyja pakidajuć svajo raniejšaje złačynnaje žyćcio i stanoviacca narmalnymi členami hramadstva».

«Ale pierš za ŭsio, pahrozy i źniavahi niedapuščalnyja ŭ dačynieńni da luboha čałavieka, viernika abo nie, bo kožny čałaviek jość vobrazam Božym i ŭsialakaja źniavaha čałavieka ŭ niejkaj miery źnievažaje i Tvorcu.

Jepiskap prosić pravieści ŭsiebakovaje rasśledavańnie faktaŭ niepravavych dziejańniaŭ administracyi mazyrskaj papraŭčaj kałonii № 20 u dačynieńni da Daškieviča i pryniać miery pa niedapuščeńni padobnych faktaŭ u budučyni.

Źmicier Daškievič i jaho paplečnik pa «Maładym froncie» Eduard Łobaŭ byli zatrymanyja napiaredadni apošnich vybaraŭ prezidenta, 18 śniežnia 2010 hoda, pa abvinavačańni ŭ źbivańni dvuch mužčyn. Pradstaŭniki apazicyi i pravaabaroncy rascanili ich aryšt jak previentyŭnuju mieru pa «začystcy» hramadstva pierad vybarami. U sakaviku 2011 hoda sud pryhavaryŭ Daškieviča da dvuch hadoŭ pazbaŭleńnia voli ŭ kałonii ahulnaha režymu.

Lidar «Maładoha frontu» adbyvaŭ pakarańnie ŭ PK-13 u Hłybokim (Viciebskaja vobłaść). 28 žniŭnia Hłybocki rajonny sud na zakrytym vyjaznym pasiadžeńni ŭ kałonii pryznaŭ Daškieviča vinavatym u złosnym niepadparadkavańni patrabavańniam administracyi PK i pryhavaryŭ jaho da hoda pazbaŭleńnia voli. U termin pakarańnia ŭklučany čatyry miesiacy, jakija apazicyjanieru zastavałasia adbyć u kałonii pa pieršaj kryminalnaj spravie.

19 vieraśnia Daškievič pastupiŭ u PK-20 Mazyra, a 21-ha — abjaviŭ haładoŭku ŭ suviazi z «niečałaviečymi pavodzinami administracyi kałonii, u tym liku jaje načalnika Juryja Zbaroŭskaha».

Pavodle infarmacyi pravaabarončaj arhanizacyi «Płatforma», jakaja zajmajecca prablemami pravoŭ čałavieka ŭ miescach pazbaŭleńnia voli, Daškieviča rehularna vyklikajuć na kamisiju, jakaja składajecca z kiraŭnikoŭ kałonii, dzie jon źviedvaje «źniavahi ŭ hrubaj formie»; «pahrozy zrabić ź jaho psichična chvoraha z prymusovym lačeńniem»; «pahrozy pamiaścić jaho ŭ štrafny izalatar, dzie, pa pahrozach načalnika režymnaha adździeła, jon źviedaje sieksualnaje nasille z boku inšych źniavolenych»; «pahrozy fizičnaha źniščeńnia».

Kamientary da artykuła