«Motavieła» pradstaviła 30 madelaŭ viełasipiedaŭ kalekcyi nastupnaha hoda
Jość i kłasičnyja darožnyja, i hornyja, i šasiejnyja, i haradskija madeli.
5 kastryčnika ŭ kulturna-spartyŭnym kompleksie "Minsk-Arena" adbyłasia prezientacyja kalekcyi viełasipiedaŭ AIST 2013 hoda.
Kalekcyja składajecca z tryccaci madelaŭ u roznych katehoryjach: kłasičny darožny, horny, šasejny i haradski.Usie madyfikacyi adroźnivajucca sučasnym dyzajnam i zbałansavanaj kamplektacyjaj.
U prezientacyi ŭziali ŭdzieł pradstaŭniki Ministerstva handlu, pradpryjemstvaŭ Biełkaapsajuza, Minharvykankama, śpiecyjalizavanaj roźnicy.
Viełasipiedy AIST — pradukcyja minskaha AAT "Motavieła", adnaho ź viadučych vytvorcaŭ vieła- i motatechniki na terytoryi SND.
Historyja viełasipiednaj marki AIST, jakaja abjadnała za 65 hadoŭ nie adno pakaleńnie amataraŭ viełasipiedaŭ, viadzie adlik z 1948 hoda.Siońnia AIST aktyŭna ŭdzielničaje ŭ roznych sacyjalnych prajektach, źjaŭlajecca aficyjnym partnioram čempijanatu śvietu 2013 hoda pa viełasipiednym sporcie na treku, jaki projdzie ŭ Minsku, techničnym partnioram nacyjanalnaj zbornaj Biełarusi pa viełasporcie.