Sud vyzvaliŭ adnu ŭdzielnicu Pussy Riot, astatnim prysud pakinuli bieź źmienaŭ

Sud źmianiŭ pakarańnie adnoj z udzielnic pank-hurtu Pussy Riot Kaciarynie Samucevič na ŭmoŭnaje. Jaje vyzvalili ŭ zale suda. Prysud astatnim udzielnicam hrupy, asudžanym za chulihanstva na dva hady, zastaŭsia bieź źmien.

Na razhladzie skarhi na prysud Pussy Riot asudžanyja ŭdzielnicy hurtu — Maryja Alochina, Nadzieja Tałakońnikava i Kaciaryna Samucevič — zajavili, što nie chacieli abrazić viernikaŭ svaim antypucinskim «pank-malebnam». Jak patłumačyła Alochina, ich pratest byŭ suprać «zroščvańnia carkoŭnych i palityčnych elitaŭ».

«My siadzim za palityčnyja pierakanańni. Ja paŭtaraju heta ŭ 50 raz, ale troški dziŭna, što nas nie čujuć», — zajaviła jana.

Kamientary da artykuła