U Baranavičach u voziery znajšli Fiat
Prachožy, jaki ranicaj 22 kastryčnika vyhulvaŭ sabaku, pabačyŭ u voziery dach zatanułaha aŭtamabila. Jon patelefanavaŭ u milicyju. Adtul užo źviarnulisia da ratavalnikaŭ, paviedamili ŭ MNS.
— Zvanok pastupiŭ kala 09:20, — udakładnili ratavalniki. — Patrabavałasia dapamoha, kab dastavać Fiat Tipo z voziera Žłobinskaje.
Mašyna znachodziłasia za čatyry mietry ad bieraha na hłybini ŭ adzin mietr.
Fiat padłavili trosam i vyciahnuli z vady. U sałonie mašyny nikoha nie vyjaŭlena.Na travie bačny tolki ciomny śled, jaki ciahnuŭsia da voziera. Abstaviny incydentu vyśviatlajucca.