«Padpisali — treba vykonvać»: Rasija čakaje ad Biełarusi pastaŭki 6 miljonaŭ ton naftapraduktaŭ
Pra heta zajaviŭ pasoł RF Surykaŭ.
Rasija čakaje ad Biełarusi pastaŭki da kanca 2012 hoda kala 6 miljonaŭ ton naftapraduktaŭ, vyrablenych z rasijskaj nafty, jakija biełaruski bok abaviazaŭsia pastavić zhodna z padpisanym bałansam
«Rasijski bok sioleta išoŭ u hrafiku pastavak nafty, naftapraduktaŭ — adhruzki za 9 miesiacaŭ navat pieraŭzyšli zaćvierdžany bałans.
Ale ž pastaŭki naftapraduktaŭ u zvarotnym kirunku ź Biełarusi ŭ Rasiju nie ažyćciavilisia. I rynak rasijski ahaliŭsia, i ceny pačali ruchacca napierad. Kala šaści miljonaŭ ton pavinna było viarnucca ź biełaruskaj vytvorčaści na rasijski rynak, a viarnułasia, pavodle źviestak biełaruskaj statystyki, pa vynikach 6 miesiacaŭ — 98,7 tysiačy ton», —skazaŭ A.Surykaŭ.
«Usie ličby bałansu zafiksavanyja i padpisanyja — treba vykonvać», — dadaŭ pasoł.
Rasijski bok moža vykarystać fakt niedapastavak bienzinu i dyzpaliva zhodna z bałansam dla cisku na Biełaruś u pytańni rehulavańnia pastavak rastvaralnikaŭ.
Maskva abvinavaciła Biełaruś u pastaŭkach nafty i naftapraduktaŭ na ekspart pad vyhladam rastvaralnikaŭ u abychod rasijska-biełaruskaha pahadnieńnia ab pastaŭkach nafty.Rasijski ŭrad dabivajecca ad Biełarusi zhody na toje, kab pastaŭki rastvaralnikaŭ taksama padpadali pad ekspartnyja myty. Dahetul jany nie padpadali — padobna, maskoŭski bok prosta vypuściŭ heta z-pad uvahi padčas pieramovaŭ pa nafcie ŭ 2011 hodzie.
Biełaruś całkam zaležyć ad Rasii ŭ enerhanośbitach.Jana adzinaja ŭ Jeŭropie kraina, jakaja zaležyć na 90% ad vuhlevadarodaŭ, što impartujucca z adnoj zamiežnaj krainy.