Kapitan milicyi i śledčy z Navapołacka zajmalisia niezakonnym pryvatnym vyšukam
Upraŭleńniem śledčaha kamiteta pa Viciebskaj vobłaści raspačataja kryminalnaja sprava ŭ dačynieńni da kapitana milicyi Navapołackaha HAUS i śledčaha haradskoha adździeła, jakija zajmalisia niezakonnym pryvatnym vyšukam.
Jak paviedamili ŭ pravaachoŭnych orhanach, kryminalnaja sprava zaviedzienaja pa materyjałach Hałoŭnaha ŭpraŭleńnia asabistaj biaśpieki MUS. Pavodle dadzienych apieratyŭnych słužbaŭ, kapitan milicyi Navapołackaha HAUS i staršy śledčy Navapołackaha haradskoha adździeła SK u zvańni majora akazvali pasłuhi pa vyšuku pryvatnym asobam.
Kali vieryć źviestkam HUUB MUS, to padazravanyja ŭ krasaviku 2012 hoda nakiravali ŭ STAA «MTS» zapyt ab atrymańni źviestak pra zvanki abanienta nazvanaj sietki, jaki pracavaŭ ekśpiedytaram u adnoj z kampanij i nie znachodziŭsia ŭ poli zroku pravaachoŭnych orhanaŭ. U kapitana milicyi i
Bolš za toje, jak vyśvietlili padčas praviadzieńnia
Pa fakcie supraćpraŭnaj dziejnaści kapitana i majora USK pa Viciebskaj vobłaści raspačataja kryminalnaja sprava pa č.2 art.203 (parušeńnie tajamnicy pierapiski, telefonnych pieramovaŭ, telehrafnych ci inšych paviedamleńniaŭ, ździejśnienaje z vykarystańniem śpiecyjalnych techničnych srodkaŭ, pryznačanych dla sakretnaha atrymańnia infarmacyi, abo słužbovaj asobaj z vykarystańniem svaich słužbovych paŭnamoctvaŭ). Sankcyja hetaha artykuła praduhledžvaje pakarańnie da dvuch hadoŭ pazbaŭleńnia voli.
U ciapierašni čas viadziecca rasśledavańnie, u chodzie jakoha płanujecca vyśvietlić, jak časta kapitan milicyi i śledčy SK akazvali pasłuhi pa pryvatnym vyšuku, jakija mienavita heta byli pasłuhi i jakoje jany atrymlivali za heta ŭznaharodžańnie.