«Trymajcie ralety začynienymi, heta moža być padmanlivaje zacišša». Mahutny ŭrahan idzie pa ŭschodnim uźbiarežžy ZŠA

+ fotarepartaž

Hubiernatar štata Ńju-Jork Endru Kuoma paviedamiŭ, što z-za nabližeńnia urahanu «Sendzi» zakryjuć dva klučavyja tuneli horada.

Mahutnyja chvali ŭdaryli pa Saŭthemptanu, što ŭ štacie Ńju-Jork.

Mahutnyja chvali ŭdaryli pa Saŭthemptanu, što ŭ štacie Ńju-Jork

Koni-Ajlend, Bruklin.

Kejp-Mej, Ńju-Džersi.

Atłantyk-Sici (Ńju-Džersi) zatapiła

U Masačusetsie pakul usio spakojna.

Norfałk (Viržynija) pad vadoj.

Ńju-Jork rychtujecca.

Rajon Ńju-Jorka Kvins u čakańni.

Pa słovach Kuoma, z-za pahrozy zatapleńnia buduć časova začynienyja tunel Chołand, jaki złučaje Mancheten i Ńju-Džersi, i tunel Chju Kery, viadomy jak tunel Bruklin — Betery. Na dadzieny momant prajezd pa asnoŭnych mastach Ńju-Jorka zastajecca adkrytym.

Čakajecca, što stychija udaryć pa ŭschodnim ŭźbiarežžy ZŠA ranicaj u aŭtorak. Achviarami ŭrahanu «Sendzi» u krainach Karybskaha basiejna ŭžo stali kala 60 čałaviek.

Pry vietry, što dasiahaje chutkaści 120 km u hadzinu, hety ŭrahan, jaki taksama achryścili «Frankienštormam», moža vyklikać u prybiarežnych rajonach niebiaśpiečnuju pavodku.

Endru Kuoma rassyłaje praz sajt mikrabłohaŭ Twitter parady nasielnictvu:

«Trymajcie štory i žaluzi začynienymi. Nie hublajcie pilnaść pry časovym zaciššy, heta moža być centr urahanu».

Kamientary da artykuła