Kolkaść achviar urahanu «Sendzi» ŭ ZŠA ŭžo bolš za 90 čałaviek

Kolkaść achviar urahanu «Sendzi», jaki abrynuŭsia na ŭschodniaje ŭźbiarežža ZŠA u noč na aŭtorak, užo bolš za 90 čałaviek i praciahvaje raści.

Tolki ŭ Ńju-Jorku 38 zahinułych, mnohija da hetaha času ličacca źnikłymi bieź viestak.

Kala 4,5 młn čałaviek u 12 štatach na ŭschodzie krainy zastajucca biez elektryčnaści, paliva ŭ nasielenyja punkty dastaŭlajecca ź pierabojami. Nacyjanalnaja hvardyja raźmierkavała bolš za miljon pajka i butelek ź pitnoj vadoj žycharam Ńju-Jorka.

U krainach Karybskaha basiejna achviarami ŭrahanu «Sendzi» stali 69 čałaviek.

Pavodle acenki kampanii Eqecat, škoda, pryčynienaja ŭrahanam «Sendzi», składaje 50 młrd dalaraŭ, što ŭ dva razy vyšej papiaredniaj acenki.

Pavolnaje adnaŭleńnie

U Ńju-Jorku mietro znoŭ zapracavała ŭ čaćvier, adnak daloka nie na ŭsich stancyjach. U niekatorych ź ich da hetaha času zachoŭvajecca vysoki ŭzrovień vady.

U ciahnikach, mietro i aŭtobusach časova admieniena płata za prajezd.

Mnohija z zapravačnych stancyj u Ńju-Jorku, a taksama štacie Ńju-Džersi, začynienyja, na inšych nazirajucca vialikija čerhi, u jakich časam uspychvajuć bojki.

Ułady dazvalajuć ŭjezd u Mancheten tolki aŭtamabilam, u jakich znachodziacca troje i bolš pasažyraŭ.

Čyhunačnaja kampanija Amtrak płanuje puścić ciahniki na ŭschodnim uźbiarežžy ŭ piatnicu.

Raniej paśla dvuchdzionnaha pierapynku znoŭ adkryłasia Ńju-Jorkskaja fondavaja birža i birža Nasdaq, praŭda, ich pracu zabiaśpiečvajuć elektrahienieratar.

Jašče ŭ sieradu pačali prymać samaloty ńju-jorkskija aeraporty "Ńjuark" i aeraport imia Kenedzi. Adnak tam pa-raniejšamu čakajucca vialikija zatrymki, pakolki raniej było admieniena kala 20 tys. rejsaŭ.

Kamientary da artykuła