«Špihiel»: U samalocie Łukašenki duš azdobleny kaštoŭnymi kamianiami
Padraździaleńnie techničnaha absłuhoŭvańnia niamieckaj avijakampanii «Lufthanza» (Lufthansa Technik) atrymała zakaz ad Alaksandra Łukašenki.
Pra heta paviedamlaje internet-versija štotydniovika Der Spiegel – Spiegel Online.
Razmova idzie pra pryvatny reaktyŭny samalot kłasa luks, jaki naležyć kiraŭniku Biełarusi. Jak paviedamili vydańniu niamieckija miechaniki, u mašynie Łukašenki Boeing 767, što prybyła bieź pieraškodaŭ u Hamburh u piatnicu ranicaj, duš azdobleny kaštoŭnymi kamianiami dy pazałočanymi štorkami.
Hety samalot Łukašenka nabyŭ sioleta ŭ mai ŭ kiraŭnika Turkmienistana Hurbanhuły Bierdymuchamiedava.
Jak piša Spiegel Online, prybyćcio ŭ techničnuju słužbu «Lufthanzy» druhoj pa liku ŭradavaj mašyny ź Biełarusi (pieršaja była na techabsłuhoŭvańni ŭ minułym miesiacy) vyklikała vialikija dyskusii na temu, nakolki maralna apraŭdana dla avijakampanii brać zakazy ad Łukašenki. Vydańnie pryvodzić vykazvańnie staršyni transpartnaha kamiteta ŭ niamieckim Bundestahu, palityka z partyi «zialonych» Antona Chofrajtera, jaki nie razumieje, čamu kampanija pracuje na dyktatara, jaki daje zahady na śmiarotnaje pakarańnie, a taksama brutalna razhaniaje apazicyju.
Žurnalisty adznačajuć, što «Lufthanza» i raniej była nie nadta pieraborlivaj u svaich zakazčykach i absłuhoŭvała adyjoznych VIP-piersonaŭ – z Saudaŭskaj Aravii, Bachrejna, Ekvataryjalnaj Hviniei.
U svaju čarhu, «Lufthanza» ŭsialak ustrymlivajecca ad kamientaroŭ adnosna charaktaru absłuhoŭvańnia mašyny Łukašenki.