Novy Boeing-767-300ER kaštuje kala 170 miljonaŭ dalaraŭ.
BT pakazała, jak «bort №1» pryziamlajecca ŭ aeraporcie Havany i jak z trapa schodziać Łukašenka-baćka i Łukašenka-syn.
Raniej Alaksandr Łukašenka lotaŭ na siaredniemahistralnym samalocie Boeing-737, jaki nie moh dalacieć da Kuby biez dazapraŭki. Z hetym byŭ źviazany navat kanfuz, kali Kanada nie dała dazvołu na pralot nad svajoj terytoryjaj.
Novy łajnier Boeing-767-300ER moža pralacieć biez dazapraŭki i 10 400 kiłamietraŭ. Raniej jon naležaŭ niabožčyku Saparmuratu Nijazavu, prezidentu Turkmienistana.
Pra kuplu-prodaž samalota stała viadoma paśla vizitu ciapierašniaha prezidenta Turkmienii Bierdymuchamiedava ŭ Minsk u krasaviku.
Košt novaha Boeing-767 na mižnarodnym rynku składaje ad 170 miljonaŭ dalaraŭ u zaležnaści ad madyfikacyi. «Boinh» Nijazava nie novy. Zatoje jon byŭ vykanany ŭ VIP-varyjancie: u azdableńni sałona byli ŭžytyja naturalnaja skura i kaštoŭnyja parody dreva, a santechniku ŭ dušavoj i tualetach azdablali kaštoŭnyja mietały i kamiani.
Akramia taho, samalot abstalavany sistemaj praduchileńnia paražeńnia rakietami kłasu «ziamla-pavietra» i «pavietra-pavietra», a taksama parašutnym ryštunkam.
Pra canu dadzienaha samalota aficyjnaj infarmacyi pakul nie było.
Kaleha pamierłaha vykładčyka Ščukina: Jaho kinuła žonka ź dziećmi, pačałasia depresija. U vyniku zvolnili za prahuły9
Kamientary