Rapota: Sprečka ab naftavych pošlinach — nie samaje składanaje ŭ adnosinach Biełarusi i Rasii

Biełaruś i Rasija ŭ sprečcy ab naftavych pošlinach raźbiarucca samastojna. Takoje mierkavańnie vykazaŭ žurnalistam dziaržsakratar Sajuznaj dziaržavy Ryhor Rapota 16 listapada ŭ Minsku.

«Ja ŭpeŭnieny, kali sprečka isnuje, to heta nie samaje składanaje ŭ našych adnosinach, baki raźbiarucca sami», — skazaŭ jon.

Pry hetym Rapota adznačyŭ, što nie ŭdzielničaje ŭ hetaj sprečcy. «Tamu ničoha skazać nie mahu», — adznačyŭ dziaržsakratar Sajuznaj dziaržavy.

Jak paviedamlałasia raniej, rasijski bok ličyć, što straty biudžetu RF ad biełaruskaha «rastvaralnaha» biźniesu mohuć składać ad 1,5 da 2,5 młrd. dołaraŭ. Miž tym, Biełaruś adchilaje pretenzii Rasii, jakaja raźličvaje na vypłatu naftavych pošlin za ekspart naftapraduktaŭ u suviazi z «rastvaralnym» biźniesam. 15 listapada na bryfinhu pa vynikach 7-ha plenarnaha pasiadžeńnia Kansultacyjnaha savieta pa zamiežnych inviestycyjach pry Saviecie ministraŭ Biełarusi kiraŭnik urada Michaił Miaśnikovič zajaviŭ: «Što da mifičnych miljardaŭ, to my ničoha nie parušali. Paprakać nas u tym, što my štości niedapłacili, — heta niekampietentnaść tych, chto ab hetym zajaŭlaje. My pracujem karektna, vykonvajem usie abaviazacielstvy, i kali štości i nie ŭrehulavana, to heta nie značyć, što treba nas paprakać i ličyć nibyta ŭpuščanyja vyhady».

Kamientary da artykuła