Biznesmen Atroščanka spyniaje vychad tydniovika «Obozrievatiel»
Z ekanamičnych mierkavańniaŭ.
Jak paviedamili ŭ redakcyi vydańnia, rašeńnie spynić vypusk haziety pryniaŭ jaje zasnavalnik, biznesmen Siarhiej Atroščanka, z ekanamičnych mierkavańniaŭ. Hazieta budzie vydavacca da kanca hoda, kab vykanać svaje abaviazki pierad padpisčykami.
Heta ŭžo nie pieršaja sproba biznesmena spynić vychad «Obozrievatiela». U vieraśni 2009 hoda Atroščanka abviaściŭ ŚMI pra svajo rašeńnie začynić štotydniovik. «1 studzienia 2010 hoda „Obozrievatiel“ prypyniaje vychad», — zajaŭlaŭ tady biznesmen. Tym nie mienš, hazieta praciahnuła vychad.
Pieršy numar štotydniovika «Obozrievatiel» vyjšaŭ 23 žniŭnia 2002 hoda. Zasnavalnik haziety — Siarhiej Atroščanka, biełaruski biznesoviec, zasnavalnik kampanii pa vypusku bializny i trykatažu Serge, paviedamlaje BiełaPAN.
* * *
Da 2001 Atroščanka vałodaŭ hazietaj «Svobodnyje novosti», adnak paśla zapatrabavaŭ kardynalna źmianić palityku vydańnia — całkam padtrymlivać Łukašenku, ahitavać za adnaŭleńnie SSSR. Kali žurnalisty admovilisia, uvieś kalektyŭ na čale z redaktaram Alaksandram Ulicionkam byŭ zvolnieny. Vyhnanyja zasnavali siońniašniuju «Svobodnyje novosti plus».