Rasija vykručvaje ruki: daść tolki 18 miljonaŭ ton nafty
Biełaruś pakul nie zmahła damovicca nakont pastavak nafty ŭ 2013 h.
Biełaruś prasiła 23 miljony ton. Rasija daje 18.
«U Maskvie 19–20 listapada znachodziłasia ŭradavaja delehacyja na čale ź pieršym vice-premjeram Biełarusi Uładzimiram Siamaškam, jakaja viała pieramovy ab naftavym bałansie na 2013 hod.
Pradstaŭniki rasijskaj administracyi abvierhli raniej zroblenyja Siamaškam zajavy pra abjomy impartu na 2013 hod i pieradali jamu prapanovy, u jakich abjom impartu pakazvajecca ŭ pamiery 18 młn ton nafty», — paviedamiła Interfaksu krynica va ŭładnych kołach Rasii.