Dabračynny kancert Kulinkoviča
21 śniežnia «Nejra Dziubiel» ź siabrami ładzić dabračynnuju akcyju. Srodki pojduć na padarunki dzieciam ź biednych siemjaŭ.
Klub «NC» (vuł.Kastryčnickaja, 17) zadarma daje placoŭku. Prafsajuz supracoŭnikaŭ «Kamunarki» — cukierki pa sabiekošcie. «Biełpošta» dapamoža z adrasami dziaciej, jakija pisali listy Dziedu Marozu j prasili dasłać choć by šakaladku.
«Nijakich rachunkaŭ zavodzić nia budziem. Atrymajem prybytak z kancertu — adrazu ž adašlom pa adpaviednych adrasach, a mo navat i pryviaziom sami. Hałoŭnaje — da Novaha hodu ŭpravicca, — havoryć Alaksandar. — Kali maja inicyjatyva vykliča choć niekalki dziciačych uśmiešak, pamirać budu z čystym sumleńniem».
Udzieł u akcyi voźmie, akrom «Nejra Dziubielu», Alaksandar Pamidoraŭ — u jaho jakraz 21-ha dzień narodzinaŭ, a taksama «ZET» i niekalki maładych hurtoŭ. Ceny na kvitki buduć zamałyja, jak dla nahody: 8—10 tys. rub.
Siarhiej Budkin